نیوەشه‌وێکی دەرەنگان مانگی چواردەو مانگیران بەیەکەوە دەردەکەون‌و بینینی لەکیس خۆتان مەدەن، روداوێکە تا ساڵی ٢٠٣٣ دوبارە نابێتەوە. چەند کاتژمێرێکی کەمی دیکە مانگ بۆ كه‌مترین مه‌ودا له‌زه‌وی نزیك ده‌بێته‌وه‌و ره‌نگی سور هه‌ڵده‌گرێت، به‌هۆی رودانی مانگیرانی ته‌واوه.
به‌پێی سه‌رچاوه‌كانی گه‌ردوناسی ماوه‌ی مانگ گیرانه‌كه نزیكه‌ی كاتژمێرێك ده‌خایه‌نێت‌و به‌ته‌واوی له‌كیشوه‌ری ئه‌مه‌ریكاو ناوچه‌كانی رۆژهه‌ڵاتی ناوه‌ڕاست ده‌بینرێت.
به‌پێی زانای گه‌ردوناسی فه‌ره‌نسی، باسكال دیكان هۆكاری رودانی مانگیرانەکە ده‌گه‌ڕێته‌وه بۆ ئه‌وه‌ی كه سێبه‌ری زه‌وی به‌ته‌واوی مانگ داده‌پۆشێ‌‌و تیشكی خۆر به‌ر مانگ ناكه‌وێت.
باسكال ده‌ڵێت “كاتێك تیشكی خۆر به‌ر مانگ ناكه‌وێت، مانگ له‌به‌رچاومان ون ده‌بێ‌‌و دوایی به‌ره‌نگی سور ده‌رده‌كه‌وێتەوە، كه ئه‌م دیارده‌یه به “مانگی خوێناوی” ناوده‌برێت”.
تعليقات
إرسال تعليق