هەر لەو ئۆپەراسیۆنەدا هێزی پێشمەرگەی كوردستان توانیویەتی گوندەكانی (مەنسوریە، سەدە، كواس عەرەب، كواس كورد، محەمەد خلیل، غەڕا، گوبێبە)ی ئازاد بكات”. لە ئۆپەراسیۆنی هێزەکانی پێشمەرگەدا لە رۆژئاوای پارێزگای کەرکوك، ژمارەیەك پێشمەرگە شەهید بوون و تەرمی سێ پێشمەرگەی شه‌هیدیش هێنرایەوە بۆ قەزای چەمچەماڵ .به‌پێی زانیارییه‌كان bozhin دوو له پێشمه‌رگه شه‌هیده‌كان ئامۆزای یەکترن به‌ناوه‌كانی “سەروەر کریم محمد و کارزان فریق محمد” سه‌ر له‌به‌یانی ئه‌مرۆ 30/9/2015 به‌هۆی ته‌قینه‌وه‌ی بۆمبێكی چێندراوه‌وه لە گوندی “سید خلف” شەهید بوونه .
لەمەراسیمێکدا و بە ئامادەبوونی لێپرسراوان و جەماوەری قه‌زای چه‌مچه‌ماڵ، تەرمی ئەو سێ پێشمەرگە شه‌هیده لە قەزای چەمچەماڵ و ناحیەی شۆرش بەخاك سپێردران .
لە سه‌ره‌تای ده‌ستپێكردنی شه‌ڕی نێوان هێزه‌كانی پێشمه‌رگه و تیرۆریستانی داعشدا، 44 پێشمه‌رگه‌ی دانیشتووی قه‌زای چه‌مچه‌ماڵ شەهیدبوونه، لە پۆپراسیۆنه‌كانی ئه‌مرۆشدا لە رۆژئاوای کەرکوك، ژمارەیەك پێشمەرگەی تری دانیشتووی قه‌زای چه‌مچه‌ماڵ شه‌هید بوونه، تەرمی سێ له‌و شه‌هیدانه هێنرایه‌وه بۆ قه‌زای چه‌مچه‌ماڵ.
تعليقات
إرسال تعليق