هه موو زانیاری خشتەی نوێی دابەشکردنی موچە بزانه

bozhin

جێگری سكرتێری یەكێتی مامۆستایان ڕایدەگەیەنێت: حكومەت بڕیاریداوە موچەی تەواوەتی مامۆستایان دابەش بكات دەشڵێت: هەرچەندە رۆژەكەی نازانین بەڵام بە دڵنیاییەوە بەم نزیكانە نیوەكەی دیكەی موچەی مامۆستایان دابەش دەكرێت.

ئەحمەد گەرمیانی ؛ جێگری سكرتێری یەكێتی مامۆستایانی كوردستان ؛  ڕایگەیاند، حكومەتی هەرێم و وەزارەتی دارایی بەڵێنی ئەوەی پێداوین كەمترین ماوەدا نیوەكەی دیكەی موچەی مامۆستایان دابەشبكەن.

وتیشی :” لەبەر ئەوەی تا ئێستا دەوامی فەرمی نەكراوەتەوە نازانین ڕۆژەكەی دەكەوێتە چەند شەممەوە ، بەڵام سبەی بەدواداچوونی تەواوی بۆ دەكەین “.

ڕاشیگەیاند، بارودۆخی توێژی مامۆستایان وسەرجەم فەرمانبەران خراپە ، دەبێت هەوڵەكان بەئاڕاستەی باشكردنی بژێوی موچە خوڕانەوە بێت ، هەرچەندە زوتر هەوڵی دابین كردنی موچەی فەرمانبەران بدرێت باشترە .

ئاشكراشیكرد ، دۆخی خوێندن لە سنوری پارێزگای سلێمانی ودەروبەری خراپە وناشكرێت ، ئەم دۆخە بەم شێوەیە بەردەوام بێت .
سەرچاوەیەكیش لە یەكێتی مامۆستایان بە خەڵك ی ڕاگەیاند كە وادەی دابەشكردنی موچەی مامۆستایان دەكەوێتە هەفتەی داهاتووە.

ئەمە لەكاتێكدایە بەهۆی قەیرانی داراییەوە حكومەتی هەرێم تائێستا نیوەی موچەی مامۆستایانی مانگی ئەیلولی 2015ی دابەش كردوە ، كە بۆ دابینكردنی مووچەی مانگێكی مامۆستایان و فەرمانبەرانی وەزارەتی پەروەردە، حكومەتی هەرێمی كوردستان پێویستی بە نزیكەی 160 ملیار دینار ھەیە.

……………………………………………………ئەنجومەنی وەزیرانی ھەرێمی کوردستان، ڕۆژی دووشەممە ١ی شوبات، تایبەت بەپەسەندکردنی پرۆژەو پێشنیازەکانی کەمکردنەوەی خەرجی و زیادکردنی داھات کۆدەبێتەوە، دواتریش بەگوێرەی بڕیارە پەسەندکراوەکان، خشتەی دابەشکردنی موچەی فەرمانبەران ڕادەگەیەندرێت.

 

لەماوەی ڕابردوودا ئەنجومەنی وەزیرانی ھەرێم، وۆرکشۆپ و ژمارەیەک سیمیناری لەبارەی کەمکردنەوەی خەرجییەکان و زیادکردنی داھات ئەنجامدا، کە یەکێک لە رێگەکانی کۆکردنەوەی داھات بریتییە لە کەمکردنەوەی موچەی فەرمانبەران.

 

بەگوێرەی ئەو زانیاریانەی دراون، سبەینێ یەکشەممە وەفدێکی باڵای حکومەتی ھەرێم بەسەرۆکایەتی نێچیرڤان بارزانی و ئەندامێتی ھەریەک لە قوباد تاڵەبانی جێگری سەرۆکی حکومەت، ڕۆژ نوری شاوەیس جێگری پێشوو سەرۆک وەزیرانی عیراق، فوئاد حسێن سەرۆکی دیوانی سەرۆکایەتی ھەرێم، فەلاح مستەفا بەرپرسی پەیوەندیەکانی دەرەوەی ھەرێم، سەردانی بەغدا دەکات.

ھەر بەگوێرەی زانیارییەکان، بڕیارە وەفدەکەی حکومەتی ھەرێم لەگەڵ حەیدەر عەبادی کۆببێتەوە، دواتریش سەردانی باڵیۆزخانەی ئەمریکا لەبەغدا بکات.

 

لەلای خۆشیەوە، فەرحان جەوھەر ئەندامی فراکسیۆنی پارتی لەپەرلەمانی کوردستان،  ڕاگەیاند: ڕۆژی دووشەممە ١ی شوباتی ٢٠١٦، ئەنجومەنی وەزیرانی ھەرێم کۆدەبێتەوە.

وتیشی:” ئامانجی سەرەکی کۆبوونەوەکە، پەسەندکردنی ئەو پرۆژەو پێشنیازانەیە کە لەماوەی ڕابردوودا ئاراستەی ئەنجومەنی وەزیران کراون”.

 

لەبارەی موچەی فەرمانبەرانیشەوە، ئەو پەرلەمانتارەی پارتی ئاشکرایکرد: لەدوای کۆبوونەوەکەی ئەنجومەنی وەزیران، خشتەیەکی نوێ بۆ موچەی فەرمانبەران ئامادە دەکرێت و ھەموو لایەکی لێ ئاگادار دەکرێت.

بەھۆی قەیرانی دارایی و نەبوونی پارەی بەردەست، حکومەتی ھەرێم نەیتوانیوە موچەی فەرمانبەران دابین بکات و تائێستاش موچەی چوار مانگی فەرمانبەران قەرزدارە………………………جێگری سکرتێری یەکێتى مامۆستایانى کوردستان ڕایدەگەیەنێت، بەم نزیکانە نیوەى دووەمى موچەى مامۆستایان دابەش دەکرێت. هەروەها ئاماژە بەوەشدەکات، حکومەت بڕیاریداوە تەواوی موچەی مامۆستایان دابەش بکات.
ئەحمەد گەرمیانى جێگرى سکرتێری گشتى یەکێتى مامۆستایانى کوردستان بە ماڵپەڕی خەڵکی ڕاگەیاندووە، حکومەت بەڵێنى پێداون لە ماوەیەکى نزیکدا، نیوەى دووەمى موچەى مامۆستایان دابەش بکات.

 

سەبارەت بە وادەی دیریکراوی دابەشکردنی نیو موچەکە ناوبراو ئەوەی خستوەتە ڕوو، “لەبەر ئەوەی تا ئێستا دەوامی فەرمی نەكراوەتەوە نازانین ڕۆژەكەی دەكەوێتە چەند شەممەوە ، بەڵام سبەی بەدواداچوونی تەواوی بۆ دەكەین “.
گەرمیانى ئاماژەى بەوەشداوە، دۆخى فەرمانبەران و مامۆستایان خراپە و پرۆسەى خوێندنیش لە سنورى پارێزگاى سلێمانى، لە دۆخێکى خراپدایە، بۆیە دەبێت هەوڵەکان چڕ بکرێنەوە بۆ دابەشکردنى موچەى فەرمانبەران.

 

بەپێی زانیاریەکان دوای گەڕانەوەی شاندی هەرێم لە بەغدا لە چەند ڕۆژی داهاتوودا، بڕیاری کەمکردنەوەی موچەی فەرمانبەران دەچێتە بواری جێبەجێکردنەوە و دەست بە دابەشکردنی موچەی مانگی ئەیلول دەکرێتەوە.

سه‌رچاوه‌ماڵپەری بۆژین

درێژه‌ی بابه‌ت