ھێزەکانی سوپای تورکیا لەسەر سنووری جەرابلوس، جموجۆڵەکانیان زیاترکردووە. ماڵپەڕی ھاوار نیوز بڵاویکردۆتەوە کە سوپای تورکیا لەدوای ڕاگەیاندنی ئاگربڕ لەنێوان ئەنجوومەنی سەربازی جەرابلوس و سوپای تورکیادا، جموجۆڵی ھێزەکانی لەسەر سنووری جەرابلوس زیاترکردووە.
بەپێی زانیاریەکانی ھەمان سەرچاوە، سوپای تورکیا ٣٠ تانک و ١٥ ئۆتۆمبیلی زرێپۆشی لە گوندی (کەکلجە)، جێگیرکردووە.
سەرچاوەکە ئەوەشی ڕاگەیاندووە کە جموجۆڵی ھێزەکانی سوپای تورکیا لە باشووری جەرابلوس، زیادیکردووە ، ھەروەھا ئاماژە بەوەشکراوە کە تیرۆرستانی داعش لەڕێگەی ٢ ئۆتۆمبیلی بۆمبڕێژکراوەوە ھێرشیان کردوەتە سەر گوندی (ئەل حەدرا) کە لەلایەن سوپای تورکیاوە داگیرکرابوو و لەو ھێرشەدا ژمارەیەک سەربازی سوپای تورکیا کوژراون.
دەوترێت کە لە ھێرشەکانی تیرۆرستانی داعشدا ھەردوو گوندی (عەرەب حەسەن سەخرو ئەل حەدرا) لەلایەن تیرۆرستانەوە دەستی بەسەردا گیراوەتەوە.
درێژه‌ی بابه‌ت
تعليقات
إرسال تعليق