بەشێوەیەکی دور لە چاویڕوانی جیرارد پیکێ بەرگریکاری یانەی بارسێلۆنای ئیسپانی رایدەگەیەنێت کە لە یانەی بارسا کۆتایی بە ژیانی یاری کردنی خۆی ناھێنێت بەڵکو دەیەوێت ئەزمونی جیاوازتر لە ژیانیدا تاقی بکاتەوە و روو لە ئەمریکا یاخود چین بکات .
پیکێ لە درێژەی قسەکانیدا کە رۆژنامەی مۆندۆ دیپۆرتیڤۆی ئیسپانی بڵاوی کردۆتەوە دەڵێت: لەم چەند ساڵەدا لە ئەمریکا گرنگییەکی زۆر بە تۆپی پێ دەدرێت ، بە ھەمان شێوە لە وڵاتی چینیش ، کە ئەوەش کارێکی سەرنج راکێشە .
ناوبراو باسی لەوە کرد ھەمیشە وتویەتی کە لە بارسێلۆنا کۆتایی بە ژیانی یاری کردنی خۆی دەھێنێت ، بەڵام ئێستا بژاردەیەکی تر سەرجی راکێشاوە کە چاوەڕوان دەکرێت لە چەند ساڵی داھاتودا بەرجەستەی بکات ، بەڵام دەشڵێت ئەو تەنھا ئاواتی ئەوەیە بەردەوام بێت لە یاری کردنی تۆپی پێ .
ئەوەی جێی باسە ھەریەک لە خولەکانی ئەمریکا و چین بەھۆی بونی چەندین ئەستێرەی دیاری تۆپی پێ رویەکی تر و جیاوازتر نیشان دەدەن و ھەردوو خولەکە بۆتە جێی سەرجی گشت لایەک
درێژه‌ی بابه‌ت
تعليقات
إرسال تعليق