ھێزە ئەمنییەکانی عێراق کۆنتڕۆڵکردنەوەی قەزای روتبەیان راگەیاند

chalack

ھێزەکانی سوپای عێراق قەزای روتبەیان بەتەواوی لەدەستی تیرۆریستانی داعش رزگار کرد. لەوبارەیەوە لیوا روکن ئیسماعیل مەحلاوی فەرماندەی ئۆپراسیۆنەکانی پارێزگای ئەنبار ئاشکرای کرد، تەواوی قەزاکەیان کۆنتڕۆڵ کردۆتەوە و ئاڵای عێراقیان لەسەر باڵەخانە حکومییەکان ھەڵکردووە. وتیشی کە بەردەوامن لەگەڕان و پشکنین بۆ کێوماڵکردنی پاشماوەکانی تیرۆریستان.
بەپێی لێدوانی ئەو فەرماندە سەربازییە ٤٠ تیرۆریستی داعش کوژراون و دەیانی تریش بریندار بوون، فەرماندەی ھەڵمەتەکانی ئەنبار ئەوەشی ئاشکرا کردووە کە تەنیا لەچەند ناوچەیەکی کەمدا نەبێت کە گومانیان لەسەرە، ھەڵمەتەکان ئەنجام دەدەن و لەتەواوی قەزاکەدا رێوشوێنەکان توندوتۆڵ کراون.

سه‌رچاوه‌Kurdsat

درێژه‌ی بابه‌ت