لەچوارچێوەی گرتنەبەری ڕێوشوێنی نوێ لەبەرامبەر قەیرانی کۆچبەران، حکومەتی چیک ڕێگە نادات کۆچبەری موسڵمان بچێتە ناو خاکی ئەو وڵاتە.
“میلۆس زیمان” سەرۆکی چیک لە وتارێکی تەلەفزیۆنیدا ڕایگەیاند: وڵاتەکەی ڕێوشوێنی ئەمنیی توندی لە سەر سنووری ئەو وڵاتەگرتۆتەبەر بەمەبەستی ڕێگرتن لە چوونە ناوەوەی کۆچبەری نوێ بۆ ناو خاکی چیک. وتیشی: لە ئێستادا ھیچ گومانێک لەبارەی پەیوەندی نێوان پەلامارە تێرۆریستییەکان و شەپۆلی نوێی کۆچبەران بۆ وڵاتانی ئەوروپا لە ئارادا نییە، ھەربۆیە پێشنیارێکی یەکێتی ئەوروپا بۆ وەرگرتنی نزیکەی شە ھەزار و دوو سەد کۆچبەر لەلایەن وڵاتەکەم لەماوەی دوو ساڵی داھاتوودا ڕەتدەکەمەوە.
“میلۆس زیمان” ئاماژەی بەوەشدا: چیک پشتگیری لە بیرۆکەی ھاوکاری کردنی ئەو وڵاتانە دەکات کە شەپۆلی کۆچکردن ڕووی تێکردوون، بەتایبەت ئیتاڵیاو یۆنان و داواشی کرد پێشنیارەکە لە ئایندەیەکی نزیکدا جێبەجێ بکرێت.
درێژه‌ی بابه‌ت
تعليقات
إرسال تعليق