پەی مامۆسا ھیاسی غریبی
بەمەرگو تۆ
ئاسمانو ھەورامانەکەیم
ڕۆشنایش چەنە بڕیا
تەمەو لوایت
کەردش ماتەم
سیاویش بەباڵارە کریا..........
خوا ئاسمانۆ
مەلائیکیش بەتایبەتی
پەی پێشوازیت
وستینی ڕا
ویت بەخوەو ئیمەیچ گرەوای
ڕەنگەی سیاوەت
کەردە بەشماو
بەرگی چەرمەیچ
بەلاشەی پاکیترە کریا.......
ھەورامانم کوسش کەوتو
دەنگت
شیعرەت
چەنەش بڕیا....
کی بو دماو تۆ
چیرو ئارامگەو صیدینە
ئاوازو شیعرا رازنووە؟......
کی بۆ دماوتۆ
گردجارێوە
ڕو بەننەنی
بەشیعرەکاش بلاونۆوە؟.....
کی بۆ دماو تۆ
مەراسیمو پیرشالیاری
بەدەنگە غەریبەکەیش
سەرکەرووە؟......
کی بۆ دماو تۆ
حەفتیِ دوی جار
بەشیعرێوەش
دەنگو گوشیم بلەرنۆوە؟....
ڕۆح و لاشەت
بەگەنجی وپاکی گیڵوە
پەی لاو خوای.....
یادەوەری و شیعرو دەنگت
پیسە نامیت
پەی رەفیقات مەنێ جیای
امين حاجى زةلمى
تعليقات
إرسال تعليق