لە ڕاگەیاندراوێکدا کە ئاڕاستەی دەزگای میدیایی کوردسات کراوە، مەکتەبی سیاسی یەکێتی نیشتمانی کوردستان پیرۆزبایی “١٦” ساڵەی دامەزراندنی دەزگای میدیایی کوردسات دەکات و کوردسات بە ئەزموونێکی نوێ لە ڕاگەیاندنی کوردی لە قەڵەم دەدات.
دەقی پیرۆزباییەکە:-
“پیرۆزبایی
بەرێز/ بەرێوەبەر و سەرجەم میدیاکارو کادر و کارمەندانی دەزگای میدیایی
کوردسات
بەبۆنەی تێپەربوونی (١٦) ساڵ بەسەر دامەزراندنی کەناڵی کوردسات. نۆبەرەیەکی میدیای بینراوی ئاسمانی کوردی و دەنگ و ڕەنگی کوردان پیرۆزبایی لە بەرێوەبەر و سەرجەم میدیاکارو کادرو کارمەندانی کەناڵە ئازیزەکەتان دەکەین. ھەروەھا پیرۆزبایی گەرم ئاراستەی بینەرانتان دەکەین لەکوردستان و ھەر شوێنێک دونیادا ھەن.
کوردسات, ھەر لەسەرەتاوە بە گووتار و شێوازێکی میدیایی ئەوتۆ دەستی پێکرد, کە دەکرێ بە ئەزموونێکی نوێ لە رۆژنامەگەری کوردی دا ئەژمار بکرێ. بەگرنگیدان بە ھەموو کاییەکانی کوردستان و کوردەواری بەبێ جیاوازی و رووماڵکردنی بۆنە و رووداوەکان, کەناڵی کوردسات-یان وەک “دەنگ و ڕەنگی کوردان” ھێشتەوە. ئێستاش لەکاتێکدا ئەم کەناڵە یادی (١٦) ساڵەی دامەزراندنی دەکاتەوە, بە بەرنامەی ھەمەجۆر و کوالیتی بەرزی پەخشەوە, کوردسات, بۆتە دەزگایەکی میدیایی, کە جگە لە کوردسات-ی دایک, کوردسات نیوز و کەناڵی بیستراوی کوردی و ئینگلیزیشی ھەیە و بەردەوامە, وێرای دەستخۆشی بۆ ھەوڵ و ئەزموونە ناوازەکانی, چاوەروانی ھەنگاوی تری پێشەوەچوونی زیاتریشتی لێدەکەین لەم جیھانە جەنجاڵەی کەناڵە ئاسمانیەکانی جیھان و ناوچەکە و کوردستاندا.”
راگەیاندنی مەکتەبی سیاسی
یەکێتیی نیشتمانیی کوردستان
٢٩/١٢/٢٠١٥
درێژهی بابهت
تعليقات
إرسال تعليق