بەڕێوەبەری كۆنترۆڵی كارەبای هەرێم رایدەگەیەتنێت: مانگی شوبات پێدانی كارەبا بە هاوڵاتیان هاوشێوەی ئەم مانگە دەبێت.
ئومێد ئەحمەد، بەڕێوەبەری كۆنترۆڵی كارەبای هەرێم رایگەیاند، چاوەڕواندەكرێت بڕی پێدانی كارەبا بۆ مانگی شوبات بەهەمانشێوەی ئەم مانگەبێت، واتە ڕۆژانە (١١-١٢) كاتژمێر كارەبا بەهاوڵاتیان بدرێت، وتیشی:” ئەگەر پلەكانی گەرما دابەزن و بڕی بەرهەمهێنانی كارەباش زیادنەكات، ئەوا بڕی كارەباكە كەمتردەبێتەوە”.
بەڕێوەبەری كۆنترۆڵی كارەبای هەرێم باسی لەوەشكرد:”لەئێستادا بڕی بەرهەمهێنانی كارەبا نزیكەی دوو هەزارو 850 مێگاواتە، ئەگەر دوچاری قەیرانی سوتەمەنی و كێشەكانی كارەبا نەبن، بۆ مانگی داهاتوش دەتوانرێت هەمان بڕ بەرهەمبهێنرێت، “چونكە ژمارەیەك لەیەكە لەكاركەوتوەكانی كارەبا خراونەتەوەگەڕ”.
رونیشیكردەوە:”پارێزگاكان سەرپشكن بڕی چەند كارەبا بەھاوڵاتیان دەدەن بەگوێرەی ئەو ڕێژەیەی بۆیان دانراوە، ھەركاتێكیش ڕێژەكە بەرامبەربوو لەگەڵ خواستی كارەبا، ئەوا دەتوانرێت ڕۆژانە ٢٤ كاتژمێر كارەبا بەهاوڵاتیان بدرێت”
تعليقات
إرسال تعليق