ناوی كتێب: جوگرافیای مێژوویی عهشیرهتی شكاك
ناوی نووسهر: عهبدولقادر شكاك
چاپ/ چاپخانهی چوارچرا
نۆرهی چاپ/ چاپی یهكهم
جوگرافیای مێژوویی عهشیرهتی شكاك
نووسهرێكی كورد لهتازهترین بهرههمی خۆیدا كۆمهڵێك زانیاری ورد و نوێ لهسهر خهباتی عهشیرهتی شكاك لهبزوتنهوهی كوردیدا دهخاتهڕوو.
عهبدولقادر شكاك مێژوونووس و لێكۆلهوهری كورد لهنوێترین بهرههمی خۆی به ناوی” جوگرافیای مێژوویی عهشیرهتی شكاك ” چهندین بهڵگهو دیكۆمێنت و وێنه لهبارهی خهباتی ئهو عهشیرهت دهخاتهڕوو.
پێشكهشی كتێبهكه لهلایهن كهمال نووری مهعروف- وه نووسراوه كه دید و بۆچوون و رای خۆی لهسهر كتێبهكه باس دهكات و دهنووسێت: ئهو كارهی عهبدولقادر شكاك كتێبخانهی كوردی جاریكیتر دهوڵهمهندتر دهكات و كورد پێویستی بهو جۆره سهرچاوانهیه ههیه.
نووسهر و لێكۆلهوهر لهكتێبهكهیدا باس لهجوگرافیای ناوچهی ورمێ و عهشیرهتی شكاك، بهتایبهتی سمایل ئاغای سمكۆ و جهعفهر ئاغای شكاك، سادق خان و عهلی خان و دووڕییه خانی دایكی سمایل ئاغا دهكات كه چۆن شههید كراوه. لهبهشێكی دیكهی كتێبهكهدا باس لهو جینۆسایده دهكات كه به سهر عهشیرهتی شكاك و دانیشتوانی ناوچهی ورمێ هاتووه و دهنووسێت: پاش ئهوهی كه بنیامین مارشهمعون له ساڵی 1918 لهبارودۆخێكی تهمومژاوییدا دهكوژێت ئاسورییهكان زۆر به دڵڕهقییهوه تۆڵهی ئهو كوشتنهیان لهخهڵكی بێتاوانی ورمێ و دهوروبهری كردۆتهوه كه بهههزاران ژن و منداڵ و پیر و پهكهوتهیان رهشهكوژ كردووه.
نووسهر ههروهها باس لهچۆنێتی شههید كردنی دایكی سمایل ئاغای سمكۆ دهكات و دهنووسێت: ههر قاچێكی دووڕییه خانمی دایكی سمایل ئاغایان به ئهسپێكهوه بهستۆتهوه و جهستهیان كردوو به دوو كهرتهوه و ئهمهش بێویژدانییهكه لهمێژوودا.
نووسهر و لێكۆلهوهر لهبهشێكی دیكهی كتێبهكهیدا باس له تیرهی گهرگهرییهكان دهكات كه سهر به عهشیرهتی شكاك بوون، هۆزی شكاك له رۆژئاوای كوردستان، جهعفهر ئاغا له دیدی نووسهرانهوه، جازێ خانمی دایكی عهلی خان، كوشتنی جهعفهرئاغا و رهنگدانهوهی لهناو حهیرانی كوردیدا، كوشتنی سمكۆ و گێڕانهوهی چۆنێتی كوشتنهكهی سمكۆ له دهمی شایهتحاڵهكانییهوه له شاری شنۆ بهشێكی دیكهی ئهم كتێبه پێكدێنن.
بهشی كوتایی كتێبهكه تهرخان كراوه بۆ پاشكۆ و پهراوێزهكان و سهرچاوه و وێنهكان.
ئهوهی لهبهشی وێنهكاندا سهرنجڕاكێشن ئهوهیه كه كۆمهڵێك وێنهی دهگمهن و شاز و بێوێنه بڵاوكراونهتهوه كه بۆ خوێنهری ئهو كتێبه تازهیه، لهوێنهكاندا وێنهی قهڵاو گوندی چهریق هاتووه، پێشوازیكردنی خهڵكی سلێمانی له سمكۆ، ههڵكردنی ئاڵای كوردستان لهبهردهم سمكۆ له بهردهركی سهرای سلێمانی دهبێندرێت.
له وێنهكاندا، وێنهی نامهیهكی سمكۆ دهبیندرێت كه كاتی خۆی بۆ شێخ مهحمودی نهمری ناردووه و وێنهی پێشوازیكردنی شێخ مهحمود لهسمكۆ لهساڵی 1922 دهبیندرێت.
ناساندن/ جهواد حهیدهری
ماڵپەڕی PUKmedia
تعليقات
إرسال تعليق