bozhin
بەكەمترین ماوە زیپكە بە ڕوخسارتەوە مەهێڵە
سیر وەك یەكێك لە خۆراكە بۆن تیژەكان كەم كەس هەیە ئارەزووی خواردنی بكات ، بەڵام نهێنی جادووی لەم خۆراكەدا هەیە كە دژە هەوكردنێكی زۆر بەهێزە و دەتوانرێت لە جیاتی دەرمانی هەوكردن بەكاربهێنرێت .
ئەو ئاوەی لە ناو سیردا هەیە دژایەتی هەوكردن و میكرۆبەكان دەكات ، لەبەر ئەوە ( فۆح دوكای ) كە یەكێكە لەو خانمانەی شارەزای هەیە لە بواری جوانكاریدا لە بابەتێكدا كە لە پێگەی (دەیلی مەیل ) بڵاویكردۆتەوە ڕێنمووی كچان و كوڕان دەكات كە سیر بۆ چارەسەری زیپكەكانی ڕوخساریان بەكاربهێنن و تەنها بە شەو و ڕۆژێك چارەسەری زیپكەكانیان دەكات .
ئەم خانمە چۆنیەتی بەكارهێنانی سیری بۆ چارەسەری زیپكە ڕونكردتەوە و دەڵێت ( یەك دەنك سیر بكە بە دوو كەرتەوە و یەكێك لە كەرتەكانی بهێنە بە شوێنی زیپكەكەی بە ڕوخسارتەوەیە و دەتوانیت ئەم كارە شەو پێش نوستن ئەنجامی بدەیت و كاتێك بەیانی لە خەو هەڵدەستیت ڕوخسارت زیپكەكەی پێوە نەماوە )
لەگەڵ ئەم توانا بەهێزەی سیر بۆ چارەسەری زیپكەكان بەڵام دوكایدەڵێت ( ئەگەر یەكێك جۆری پێستی هەستیار بوو ئەوە پێویستە كاتێك سیرەكە دەدات لە ڕوخساری ئەگەر هەستی بە سوتانەوە و خورو سوررببونەوەی ڕوخساری كرد ئەوە ڕاستەوخۆ ڕوخساری بە ئاوی سارد بیشوات و جارێكی دیكە سیر بۆ چارەسەری زیپكەی ڕوخساری بەكارنەهێنێت) .
تعليقات
إرسال تعليق