بودجەی ساڵی 2017 ئامادە دەكرێت ئەم بڕە پارەیە ڕەوانەی هەرێم بكرێت
بڕیاردەری لیژنەی دارایی وئابوری لە ئەنجومەنی نوێنەرانی عیراق ڕٍایدەگەیەنێت ، لەماوەی 10 ڕۆژی داهاتوودا پارە بۆ جوتیاران خەرجنەكرێت ئەوا لێپرسینەوە لە لایەنی پەیوەندی دار دەكرێت .
ئەحمەد حاجی ڕەشید ؛ بڕیاردەری لیژنەی دارایی لە بەغدا ڕاگەیاند، لە دانیشتنی ئەمڕۆی ئەنجومەندا بڕیار درا پارەی گەنمی جوتیارانی عیراق بەگشتی و لەنێوشیاندا هەرێمی كوردستان خەرج بكرێت.
وتیشی :” ئەگەر تاماوەی 10 ڕۆژی داهاتوو پارە بۆ جوتیاران خەرج نەكرێت ، ئەو بڕیاری ئەنجومەن وەك خۆی جێ بەجێ نەكرا ئەوا پەرلەمانی عیراق لێ پرسینەوە لە هەریەك لە سەرۆك وەزیران و وزیری دارایی و بارزرگانی وكشتوكاڵ و سەرۆكی بانكی ناوەندی عیراق دەكرێت “.
ڕاشیگەیاند هەر لە دانیشتنەكەی ئەمڕۆ دا باس لە جیلی چوارەمی موبایل كرا ، كە گەندەڵیەكی زۆری تێدا كراوە ، بڕیاردرا بە پێكهێنانی لیژنەیەك بۆ چاودێری كردنی .
حكومەتی عێراق بڕی 2 تریلیۆن و 200 ملیار دینار قەرزاری جووتیارانە و 946 ملیار دینار پارەی جووتیارانە لە ساڵی 2014 و بڕەكەی دیكەش قەرزی ساڵی 2015یە.
ئەندامێكی لیژنەی دارایی و ئابوری لە پەرلەمانی عێراق رایگەیاند، لیژنەكەیان كۆبونەوەی كردووە لەسەر ئامادەكارییەكان بۆ پێشوازیكردن لە بودجەی ساڵی داهاتوو و تێیدا باس لە ئاسایی كردنەوەی موچەی فەرمانبەرانیش كراوە.
مەلا قادر محەمەد راگەیاند، كاتی ئامادەكردنی بودجەی ساڵی 2017 ی عێراق نزیكبووەتەوە و لیژنەی دارایی و ئابوری پەرلەمانیش ئامادەكاری دەكات بۆ پێشوازیكردن لە پرۆژەیاسای بودجە.
وتیشی” ساڵی رابردوو بەهۆی شەڕی داعش و ئاوارەیەكی زۆرەوە، 3% ی موچەی فەرمانبەران كەمكرایەوە و وترا دەدرێت بە حەشدی شەعبی و ئاوارەكان، بەڵام تائێستا نازانرێت چۆن سەرفكراوە، ئێستایش بارودۆخی ئابوری گۆڕاوە و نرخی نەوت بەرزبووەتەوە و لیژنەی دارایی و ئابوری لەگەڵ ئەوەدایە ئەو بڕە كەمەیش نەهێڵرێت و موچە ئاسایی بكرێتەوە”.
حكومەتی عێراق مانگانە پێویستی بە 4 ترلیۆن و 100 ملیار دینار هەیە بۆ موچەی فەرمانبەران، بەڵام سەرباری شەڕی داعش و دابەزینی نرخی نەوت تەنها 3%ی موچەی فەرمانبەران كەمكرایەوە و هەموو مانگێك لەكاتی خۆیدا دابەش دەكرێت، لەكاتێكدا لە هەرێمی كوردستان زیاتر لە نیوەی موچەی فەرمانبەران كەمكرایەوە و لەكاتی خۆیشیدا دابەش ناكرێت.
ئەو پەرلەمانتارە رونیكردەوە، ئاوارەكان وەك ساڵی رابردوو فشاری داراییان نییە و حەشدی شەعبیش بوون بە بەشێك لە دامەزراوە سەربازییەكانی وڵات، بۆیە هیچ بەهانەیەك بۆ مانەوەی كەمكردنەوەی موچەی فەرمانبەران نەماوە.
بودجەی ساڵی 2016 ی عێراق بڕەكەی نزیكەی 106 ملیار دۆلارە و بەشێكی زۆری بۆ شەڕی داعش و موچەی فەرمانبەران تەرخانكراوە و بە پلەی یەكەم پشت بە داهاتی نەوت دەبەستێت.
تعليقات
إرسال تعليق