سەرباری ناڕەزاییەکانی عێراق لەسەر بەشداریکردنی تورکیا لە ئۆپراسیۆنی رزگارکردنی موسڵدا، بەڵام بینالی یڵدرم سەرۆک وەزیرانی ئەو وڵاتە رایدەگەیەنێت ھێزەکەیان لەناحیەی باشیک، پێگەکانی داعشیان تۆپباران کردووە.
بەوتەی یڵدرم، لەرێی تۆپخانە و تانک و مووشەکی “ھاوتزەر”ەوە پشتیوانیان لەو ھێزەی پێشمەرگە کردووە کە دوێنێ ھەڵمەتی رزگارکردنی ناحیەی باشیکیان دەستپێکرد.
ھەرچەندە بانگەشەی ئەوەیکرد کە تۆپبارانەکەیان لەسەر داوای پێشمەرگە ئەنجام داوە، بەڵام تائێستا ھەرێمی کوردستان و عێراق لێدوانەکەی سەرۆک وەزیرانی تورکیایان پشتراست یاخود رەت نەکردۆتەوە.
یڵدرم وتیشی، تورکیا پێویستی بە رەزامەندی و مۆڵەتی کەسێک نییە بۆئەوەی لە لە عێراق و سوریادا رووبەڕووی چالاکییە تیرۆریستییەکان و ئەو مەترسییە ناوخۆو دەرەکییانە ببێتەوە کە ھەرەشە لەسەر بەرژەوەندییەکانی تورکیا دروست دەکەن.
درێژهی بابهت
تعليقات
إرسال تعليق