دەستیگرکردنی لێپرسراوانی ھەدەپە و سەرۆک شارەوانییەکانی کورد بەردەوامە

razz

حکومەتی تورکیا، ئایجان ئازما و عەلی بالین ھاوسەرۆکانی پارتی دیموکراتی گەلان “ھەدەپە”ی لە شاری سلۆپی سەر بە شرنەخ دەستگیرکرد.

دەستگیرکردنی ” ئازما و بالین” دوای تێپەڕبوونی ھەفتەیەک دێت بەسەر دەستبەسەرکردنیان کە تۆمەتی ئەندامێتییان لە پارتی کرێکارانی کوردستان ئاراستەکراوە.

لەناوچەی “ئاکدەنیز”ی سەر بە مێرسین-یش یوکسەل موتڵو-ی ھاوسەرۆکی شارەوانی، کە سەر بە پارتی ھەرێمە دیموکراتییەکانە لەگەڵ ھاوسەرۆکی مێرسینی ھەدەپە و ١٣ کەسی دیکە دەستگیرکران.

لەلایەکی دیکەشەوە ھەڵمەتی حکومەتی تورکیا بۆ دەستگرتن بەسەر شارەوانییەکانی باکوری کوردستاندا بەردەوامە و لەوچوارچێوەیەشدا حکومەت دەستی بەسەر شارەوانییەکانی “خیزان، مۆتکی و یۆلالان”ی سەر بە شاری بەدلیسدا گرت و لەبری ھاوسەرۆکی شارەوانییەکانیش، قەیوم بۆ بەڕێوەبردنیان دەستنیشان کرا.

سه‌رچاوه‌Kurdsat

درێژه‌ی بابه‌ت